عدد الرسائل : 215 العمر : 37 الموقع : الـعــــــــكركوك ــــــــــراق الوسام : هوايتي : السٌّمعَة : 0 تقييم : 101 تاريخ التسجيل : 06/10/2007
موضوع: كان هناك عراقي مخطوف الجمعة أكتوبر 12, 2007 10:20 pm
بلغني ايها الملك الرشيد ابو خشم الرفيع واذانات الجلب الكبير
كان هناك عراقي من العراق العظيم ماشي بشارع الرشيد طبكت عليه سياره
بيها خمس اشخاص ملثمين صاحوا عليه عفيه افتح الباب ماتنفتح الا من بره عاد العراق كال اوكي فتح باب السياره ونزلوا الخمسه العفو الاربعه لانه الخامس ضل بالسياره حتى من يخطفوها يسوق بسرعه
نزلوا الاربعه لزموا هذا العراقي وربطوا ايده ورجله وشالوه على اجتافهم وخلوه بالسياره وطلعوا وصلوا يم منطقه المنصور نزلوا الملثمين اشتروا ايس كريم ومن خلصوا رجعوا للسياره وطلعوا وصلوا للمقر السري ماتهم وكالوا للرهينه شكد رقم بيت اهلك كالهم الموبايل لو الارضي كالوا الموبايل كالهم السوني اريكسون لو السامسونغ كالوا سوني اريكسون كالهم ابو 300 لو ابو 750 كالوا بكيفك جان ينطيهم الرقم خابروا اهله طلعت الام مال المخطوف
ابو العصابه كال انتي ام عباس كالت اي نعم اني امه حبلت بيه تسع اشهر وجبته حتى اسئل ابوه ابو عباس لانه هو شارك بعمليه التلقيح ابو العصابه كال ابنج يمنه جان امه تكول اي اوكي بس كوله لا يتاخر جان ابو العصابه كال احنا خاطفيه ونريد فديه جان امه تكول لا بالله فديه تريدها اقساط لو كاش موني كال لا اريدها بالمستر كارد شنو جنابج جاي تشاقين جان ام عبايس تكله صدك انت ابن عصابه مامتربي شلون تحجي وياي هيج اني مزوجه احترم نفسك اعرفك تعرفني اتشاقه وياج جان ابو العصابه يكلها اسف اختي والله مو قصدي صار سوء تفاهم جان ام عباس تكوله اوكي ماصار شئ نرجع لموضوعنه شكد فديه رايدين
ابو العصابه كال انريد عشر ملاين دولار والفين دينار عراقي لانه ابو المولده زود سعر الامبير مال المولده جان ام عباس كال ليش زودها هو شكد يشغلها كم ساعه الكم باليوم جاوبها ابو العصابه الصبح ينطيها ساعه وبالليل ينطيها نص ساعه وشوكت مانام ينطينه اربع دقايق نروح بيها للتواليت نتبول قبل ما انام جان ام عباس تكله صدك هذا ظلم الله يساعدك راح نطيكم عشر ملاين دولار والفين وخمسميه دينار عراقي لانه ابو المولده مستغلكم
ام عباس كالت وين تريد تستلم الفديه ابو العصابه كال اكثر الاماكن امان هي كبال وزارة الداخليه يم الباب الرئيسي مالتها وانتي بكيفج تريدن تخابرين الشرطه او ماتخابريها عادي بكيفج لانه احنا مانخاف من الشرطه نخاف بس من الله عاد ام عباس كالت انطيني ابني اتاكد منه عاد ابو العصابه صاح عباس عباس ولك عباس تعال احجي وي ماما اجه عباس كال الو ماما اني مخطوف وجاي اشعر بالغربه شوكت تجون تاخذوني عاد ام عباس كالت هسه ابني بس اسوي الغده لابوك وانام الضهريه وراها نجيب الفلوس ونجي ناخذك عاد عباس كال الا تنامون الضهريه كالت اي ابني لازم انام الضهريه الوطن محتاج شعب لازم نسد الفراغ ونجيب شعب جيل جديد شورانه كل انفجار يروح بيه عشره اعوضه اعوضه لو اعرف اسوي اطفال انابيب بس الله يخلي ابو عباس وينطيه الصحه ولو صحته ماعاجبتني هاي الايام صاير بوخه اني كمت حتى بالمركه احطله دبس
وجابوا الفلوس يم وزارة الداخليه واجتي العصابه وياهم عباس ونزلت ام عباس انطت الفلوس الى العصابه وكعدت العصابه بالشارع تحسب الفلوس وام عباس اخذت ابنها وبهاي الاثناء اجه موكب وزير الداخليه شاف هذوله يحسبون الفلوس كالهم الله يرزقم بالعافيه عليكم هاي مال خطف لو مال تفخيخ
ميع ميع وادرك شهرزاد الصباح وسكتت عن الكلام المباح خو شهريار كام يشخر وكامت شهرزاد سدت الباب وشغلت المولده ونامت بس مافرشت اسنونها
steven §عطــــــور طــــــاك§
عدد الرسائل : 763 العمر : 37 الموقع : كركوك الوسام : هوايتي : مهنتي : السٌّمعَة : 0 تقييم : 2 تاريخ التسجيل : 06/10/2007
موضوع: رد: كان هناك عراقي مخطوف السبت أكتوبر 13, 2007 6:44 am
موضوع: كان هناك عراقي مخطوف 
الجمعة أكتوبر 12, 2007 10:20 pm
