افتتاح بعون الله تعالى جايخانه عطر المحبه

چاي-گهوة-نسكافي-سحلب-لااتي- اكسبريسو- ببسي ابو القوطيه- سينالكو ابو التريوعه ..الخ

مرحبا اخواني واخواتي طبعا هذا الموضوع احنا جنا نتباحث انا واحلى القوشيه وحبينا انجيبكم اهنا وتشربون الجاي ونسولف سوة. طبعا انا سويت هذا الموضوع في مكان اخر ونال اعجاب الاعضاء والزوار فا اتمنى ان ينال اعجابكم ايضا (تحياتنا الكم جميعا مانو واحلى)

تحيةً معطرة برائحة الورد و الياسمين..لأعضاء منتدانا الأحبةالكرام ..
من منا لا يعرف المقاهي العراقية..تلك الأماكن التي كانت تعج بالناس من مختلف الأتجاهات..فنانين, سياسيين و رياضيين وشعراء..الخ
تلك المقاهي الأصيلة التي توقدت منها الثقافة والأفكار.. بعد أن ظل يتعاقب عليها أجيال من المبدعين و أضافوا بين أركانها بريقهم الأخاذ المتمثل بأفكارهم و نقاشاتهم.. و لعل قهوة الزهاوي أحد الشواهد الحية على تلك النقاشات و التي كانت متمثلةً بنقاش الشاعرين الكبيرين "الرصافي & الزهاوي"
ا
و على صدى المقاهي العراقية الأصيلة..أرتأينا أن يكون لمنتدى عطر المحبه مقهىً خاص به. يتعارف و يتواصل احبتنا الأعضاء من خلاله مع بعضهم البعض.. لكن قبل ذلك فلنا رجاء أخير نحب ان تتذكروه.. منتدانا منتدى اجتماعي و بعيد كل البعد عن أي أفكار او توجهات سياسية.. فحافظوا على هذه القوانين. مرحباً بكم بين جنبات قهوتنا و لا تنسوا أن الگهوة و الچاي اليوم على حسابكم ..

سنفتتح المقهى للتعرف اكثر فأكثر على بعضنا

ولندردش ونفرفش مع بعض بعيدا عن المشاكل والمحن

ملاحظه راس السطر ترى كل من يريد مشاريب يجيب استكان ويا لانه تعرفون بعدنا ما مستفتحين هههه
يعني بزنز جديد هذا بله الجاي والشكر علينه واتفضل اغاتي

ملاحظه 2 : يرجى كل من لديه افكار او اراء حلوة او حتى صور قيمه لمقاهي بغداد او تراث ان يراسلنا على عنوان الايميل (الرسائل الخاصه ) ويكتب خاص للجايخانه


[img][/img]

[img][/img]

هاي شنو احلى شنو شكرا وشنو عفتيني ابوحدي ماكو هيجي حجي يوميا اجي اشوفك شاطفه وكانسه المحل وتغسلين الاستكاين وتنظفين الجامات وتحضرين اللبلبي ومن اجي انا بل 12 اشوف الشغل ماشي اوكي هههه

وراح اشوف شغلك انا تنبل استغني عن خدماتك واجيب كتلونيه هههه

تحياتي مانو
وينهم الزلم شنو محد يحب الشاي يمنا ؟؟؟

الف هله ياب على المنقله تعال جاي وحياك اشرب الجاي

احللللللللللللى ولكي اليوم فوكاها جاين المدراء غير تقدميلهم جايات لو سحلب واتشوفين طلباتهم
هسه لو ناس عاديين ميخالف مو هذولي واحد منهم يشتغل بالرقابه الصحيه والثاني مفتش مال صحه والسيطرة النوعيه هههه
وبس لا عرفو بالجاي المخبوط رمل لو السكر مخبوط طحين ههههه اتكولين عبالك جاي حليب ههه

فا ديري بالك على المحل من اكون انا ما موجود زين وخاصه للمدراء داريهم شويه حتى ما بينا حيل ندفع رشوة بعدين نطلع كسر ههههه

شكرا على مروركم †

اي ساموو شنسوي احنا دنبيعها الكم بسعر الجملة مدا نربح شي تعرف انتو غاليين عليا [b]