نشرة الاخبار العراق جصريا وحصريا... وموديل 2000 وطسة الة دفعه..ادخل تندم ترة

شلونكم شلع للكل شباب&بنات

اليوم جايبتلكم

اخبار تحشيشية

بس شنو مش طبيعي

موديل 2000وهسه

تفضلوا
..............................................
معكم الان اخبار الساعة ال العشر طعش إلا ثلث...
نبدأها باخبار العراق..

-انفجار سياره مفخخه باب الشرجي ومقتل واحد ثنين تلاثه .. وذاك هناك مجطول صارو اربعه... واكو نص هنا تعالو شيلو وربع هناك جوة الشيلمانة صارو تلث اربعاع واذا نحسب الايد ربع هناك اكو اربع ايدين يعني نفر كامل صار المجموع خمسة وتلث ارباع.. يعني بيهم تقبيطة للشسمة على الطب العدلي مو ؟

-استهداف موكب أحد.... أثنين.... ثلاثاء مادري يمكن الخميس نروح عالكازينو و ندخن عصير ونشرب نركيله ونصيد حمام مشوي ونحيش بيتنجان من السلة .......... واستشهاد مرافقيه.. قرب احد اثنين ثلاثاء... "يكفي خلصو ايام الاسبوع

-ومن اخبارنا السريعة>>>>>>>>>>>>>>> يازي عاد مو قلنا سريعه انت الظاهر ما مركز وياي.. اي انت..! نزل ايدك..

!! بسيطة بعدين نتفاهم.. بالفرصة اليوم الة اشحطك

ونرجع ع الاخبار السريعة.... مات.. قتل..انفجر..انخطف..تسلب..دفاتر..سحل..حكومة..امريكا ن... اوكف... انزل.... وين رايح.... شايل تفاح مفخخ؟... شايل نارنج.... شايل فلوس جكاير ملبور....؟ سكتووووو انلاصت مدرعة..!! وهناك عبوة نافسة وو و والتكملة بالخبر الاول...(انا اخوووووك).

- ولادة اول "جرو" عراقي بعملية قيصرية استغرقت خمس ساعات وثلث وذلك لعدم رغبة الجرو في الخروج من سمع بيها طاااااااااااق و طيييييييييييق وكلهه تهجير بتهجير..وماكو لا فيزا ولا جواز والة فلوس وسمع دا يخطفون جلاب من الشوارع وطالب "الجرو" بحصانه سياسية ورفع الموضوع الى مجلس الوزراء في الحال للمداولة.. شعدهم..!! شغلة عمله خلي يشوفون شغل الجلاب احسنلهن هع

- عركة بين طالبين داخل الحرم الجامعي واصل صوتها للمريخ مدري للمشتري هو ياهو الاقرب؟؟؟ يمكن المشتري لان خطية يشتري هواية كل يومية مغركنة بقاذف لهب منين جاي هذة يكولون مشتري المشتري هههههه .المهم..اكيد متشوقين تعرفون السبب.. بنت.!! بدي!! تنورة قصيرة..!! مشيه عاللجنبين بنص الشارع.. وواحد ع رصيف اليمين والثاني عاليسار.. يحتاج اكمل الخبر!! روح اشرب كلاص معدنوس ..... شنو انا ضارب وياكم ثريد... بس يللا.. واحد "بسبس".. والثاني "صجم" .. بخر الاول وكال اني "شفتا بشارع الحمرا" هوة اصلا شارع حمرا موجود باكستان فشلون يجذب الاخ ...وكال وهي مالتي.. رد الثاني "خليك ليرا** هاي مختصرة للعملة السورية ليرا ).. وامشي".. الاول رفع ايده و.................. حك راسه وبلش يفكر بالجهال بس الثاني ماعنده جهال فاكيد مفكر ومرفع ايده وصاح المخرج ستووووووب وطلعت الكاميرا الخفية... وطبعا ليلى خلصت بيبيتها من هذا الذيب تعرف ليش..؟؟ لان شايله
M16 .. وفي رواية اخرى...راكبة F16

والان مع الاخبار الرياضية...

نبدأها من اخبار المونديال..
- انتصار الماني ساحق على الفريق الارجنتيني بنتيجة -30/25 .."ولك يمكن هاي درجة الحرارة مو النتيجة... بس المهم هي خسرت بالتالي وطلعت من دوري ال 100000 ..؟؟ هذا مو عدد الجمهور............ هي كلها ارقام بس المهم الفكرة.. يعني طلعت وعلى ايد المانيا وشعلينا بالتفاصيل..هوة منتخبنا طلع من كاس الخليج وهو الاعب مالتنة يشوف الفريق الخصم سرة مال بانزين؟؟ عبالك جنهم هذولة اليركضون بالجدار العازل مال صومال

- ومن مباراة انكلترا والبرتغال...قرر الحكم الغاء اليد بلمسة الفاول داخل البطاقة ال 18 وطرد المشجع روني الى داخل الملعب... يمكن شوي متوهمين قصدي "قرر الحكم الغاء الفاول بلمسة اليد داخل منطقة ال 18 واعطاء بطاقة حمراء لللاعب روني ولاتسألني عن السبب بس يكولون هذا روني واحد حييل مصقط وفد يوم صجم اخت الحكم وهيج راحت ايام واجت وصار اللي صار باللعبه ايبااااااااخ شكد الدنيا دوارة... صحيح من غنة حسام متدوم لواحد هل الدنية ...عفية بالحكم اخذ حقة من هذة روني المنغولي

- هوووووووووووووووووووووووووووووووووووووووووع قصدي خسارة المنتخب البرازيلي امام المنتخب الفرنـــــــــــغالي ب صفر مقابل لا شئ بتسديدة من البطة البرازيلية ام ال 90 كيلو "رونالدو" الذي تقرر بيعه بالمزاد العلني .. او توقع تلكاه بال لنكات بجيب واحد من البناطيل.. او تلكاه ببجامة مال معمل مستورد اهلي مصنوع اللنطلون من الخشب الصاج خه خه خه سخيفة مال كراج

- واكيد تمنياتنا للمنتخب الاخضر ب التوفيق امام منتخب "روضة الرياحين الاهلية" الفريق الراحل (الايجات) مقابل شارع الصناعة هاتف: 00961444444444444 وراح تطلعلك نانسي وتألك شبيك لبيك معك تفضل.. بدي اغنية سعد الحلي.. واوا احححح... بدك تشارك بالمسابئة... 1+1 اديش يساوي.. ممكن تساعديني يانانسي عشان ابي يتيم وجدي أبو أبي متوفي وعاطل عن العمل.. واخوي معتقل .. واخوي الاخ معوق حرب..واخوي الاخ عندة حالة انشطارية وهي حالة تجيلة كل نص ثانية يموت ويرجع يجي من جديد ...... توت توت توت انئطع الخط بتمنى تعاود الاتصال بس اذا من "عراقنا" مابنصحك لان شبكة عراقنا..... كلمة وحدة وراهه تطلع المكلامة انتهت عاود يابة من جديد .. واكيد نسمع اغنية بابا اوبح بصوت المطرب المغربي حاتم العراقي.. (الخاطر الله بعدك وياي..)

واخيرا مع النشرة الجوية....

اهديك اغنية كاظم برد ورياح ومطر دكدك على صخام الوجههه... ونلتقي بنشرة ال 12 وخمس الة اربع كلاث دقيقتين حسب توقيت
Gmt مدري Ksa هو يعني انت حيل مشتاق تسمع اخبارنا بعـــــــــــــــــــــــــــــــد...

ودمتم

ههههههههههههههه روعة هل نشرة يسلمووو احلاوي وردة

ههههههههههههههه شون نشرة حلوة شكرا حبي

منورين يا حلوين