نموذج اختبار قبول المحششين (في حزب الحشاشه)>> تعال جاوب

شلونكم حبايب ....

اليوم جايبلكم ربع كيلو هوه و خمس قواطي مي و نفر دخان .... لا مو يمكم السالفه هذا العشه ...

المهم اليوم جايبلكم اسئله و الي جاوبوا عليه طلعو عباقره واخترعو اختراعات اولهه

انهم عرفو انو همه مشاتل مو حدايق ....

ثاني شي اكتشفو ان همه عايشين بالدنيه ... اوووو لو تدري شجان عبالهم ....

ثالث شي اكتشفو ان همه مو ذبان ... محد يدري شنو طلعوا ...

زين يله رح اعوفكم ويا الاسئله بس اذا تكدرون جابوا على سؤال واحد على الاقل ....

مدة الاختبار: 3 ‏ساعات الدرجة: 100 ‏درجة فقط لا غير ( ممنوع الدين )

ملاحظه:

- ‏الكتابة باستعمال القلم (تعرف هذا الاختراع شنوه؟؟؟ )...

- ذب الموس و السجينه من جيبك ....

- تنبيه هسه انته بامتحان مو على غفله نسمع واحد يكول باتك عباله محيبس ...

- ‏الرجاء ثم الرجاء استخدام المخ في الإجابة اذا اندليته (اخر فرع على ايدك اليمنه) ....

- ‏لا يسمح للطالب عقد إجتماعات سرية داخل القاعة ... هاي اذا افتهم هذي الجمله ...

- ‏النوم أثناء الاختبار مسموح .... ( انصب موبايلك حتى تذكر تكعد لمن تخلص حل ) ...

- الغش هالمرة مسموح لأنو ما في نتيجة .... (عساس شلون عباقره كاعدين يمك ) ...

-ممنوع المشروبات الغازيه .... يسمح بالمشروبات التحشيشيه

الأسئلة :

1- ‏اكتب اسمك اذا تذكر ( ‏مستخدماً الحروف الأبجدية فقط, ‏وبدون استخدام علامات الترقيم والأقواس) ... ممنوع الغش

2- ‏الجنس:
مسطول( ) ‏محششه ( ) ‏ غيرها( ) ‏حدد

3- ‏أولاً تعرف عمرك لو لا؟ إذا كلت اي أكمل وإلا انتقل للسؤال التالي؛ ... ممنوع الغش
العمر:

4- ‏أمامك عشرة أشخاص ‏إذا استلمت (نكرت) من كل شخص 500 دينار يصير عندك: ...
( ) ‏فلوس البايسكل ( ) ‏فلوس n95 ( ) ‏فلوس القوطيه مال ببسي (سفن ممنوع)

5- ‏إذا أعطوك اربع 250 مقابل 1000 دينار شكد ايصير عندك :
( )الف ( ) ‏اربع 250

6- ‏إذا كانت أ= ‏ب , ‏فإذاً ب = ‏أ :
( ) ‏صح ( ) ‏خطأ ( ) 25

7- ‏لمن يجي الظهر :
( ) ‏اتريك ( )‏ اتغدى ( ) ‏أتعشى

8- (أنّ , ‏لعل , ‏كأنّ , ‏لكن , ‏ليت) ‏أخوات إنّ, ‏فماذا نسمي ( ‏أنّ , ‏لعل , ‏كأنّ , ‏لكن , ‏ليت) ‏؟

9- ‏من هو أول رجل يحط على سطح القمر؟ (طكوك )
( ) ‏ارمسترونغ ( ) ‏ارمسترونغ ( ) ‏ارمسترونغ

10- ‏اختر الإجابة الصحيحة:
( ) ‏الجدر يكون داخل التمن ( ) ‏التمن يكون فوق الجدر ( ) ما موجود بالمجله الي شفتهه البارحه

11- ‏هل تكدر تعد لأكثر من خمسه باستعمال أصابع اليد الواحدة فقط؟
() اي () لا ( ) اليمنه لو اليسره

12- ‏اسم ابن أم ستوري:
( )‏لفته ( ) ‏كوسج ( ) ستوري

13 - ‏إذا صار عندك دكم, ‏تخيط عليه:
( ) ‏قميص ( ) ‏حذاء ( ) طاقية ( ) ام اربع زرووف لو ام اثنين

14- ‏أكمل: ... ممنوع الغش ... ( لان هذا سؤال القبول)
1,1,1,1,1,1, 1,1,1,... ,...,... .

15- ‏القمر اقرب لك من أمريكا لأن:
( ) ‏القمر اصغر من أمريكا ( ) ‏تشوف القمر بس ما تشوف أمريكا ( ) ‏ما عندك وقت تفكر

16- ‏من وين تشتري البيض:
( ) ‏من الدجاجة نفسها ( ) ‏من الديك ( ) ‏مستغني عن البيض ( ) شنو هو البيض

17- ‏عندك خبره في استعمال الكومبيوتر ؟:
( ) ‏يمكن ( ) ‏ما هو الكومبيوتر؟ ( ) بعده ما طخت

18- ‏يقولون في اللغة العربية "‏ضرب عمرو زيد", ‏لماذا ضرب عمرو زيد؟:
( ) ‏عمرو أقوى من زيد (يلعب حديد ) ( ) ‏زيد اضعف من عمرو ( ) ‏زيد مغلس 1000 من عمرو

19- ‏إذا كانت إجابتك في السؤال السابق هو الاختيار الثالث فعلل لماذا يا ذكي وإلا اكمز للسؤال التالي !!

20- ‏إذا طفيت اللمبة وين يروح الضوه؟
( ) ‏يروح ينام ( ) ‏يروح يسخت ( ) ‏ما أدري ( ) واني شنو ؟؟؟

21- ‏هل وصلت بحمد الله إلى السؤال الأخير؟ .... هلا بيك هله و بجيتك هله ....
( ) ‏اي ( ) ‏لا ( ) الطريق مسدود (دوريه مال حرس مغاويري )

مع خالص الاماني بان تندل ترجع لبيتكم ) ...

ملاحظة : لا تقبل أكثر من اجابه على أي من الأسئلة ....

ههههههههههههههههه دروحي يمعودة ليش اني بطرانة اكعد اجاوب على هاي الاسئلة تفور اعصاب الواحد ههههههههه
ههههههههههه بس اسئلة ابد مو تحشيشية
يابة اني مستسلمة ماريد انظم لحزب الحشاشة اذا هيجي اسئلة تفور Mad

الاعصاب خخخخخخخخخخخ

يسلمووووووووووو على الموضوع لبوووووووو احلاوي
تحياااااااااااااااااااااتي
lol!

لا عايز تكعدين تجاوبين عليها وحدة وحدة ههههههههههه

نورتي لبي الموضوع

يمعودة شنو هاي اصلا اني مابيه حيل اكوم اوكف عاد اجي واحل هالاسئلة
ولييييييييييييي
على كولت المصريين يالهويييييييييييييي Smile

شكرا لبي عالموضوع الحلو والتحشيشي