دارميـــــات جديـــــــــــــده...لعيون كل المحبين

1:تدري شكثر أهواك وشكثر حبي
ماعندي فد مقياس واليدري ربــي
.......................................
2:هم دهر هم أفراك هم أمهه تدعي
كلهه عداوه ويــــــاي ونوبه ربعــــي
.............................................
3:شلونك يبعد الروح شمسوي كلي
ـــــماعندي غيرك دوم بالدنيه شلي
..............................................
4:هاج أخذي كلبي وياج مايصبر أحذاي
ـــــبس القهر والنــــــــــوح وملازم الداي
.................................................. ..
5:ماعندي كلبي يشيل همي وهمك
دهـر وقـهر وهمــــوم ونـــــــوبه أمك
..............................................
6:تدريني دربي بعيد ياحلوه كافي
مابي فركه سنين يبسن شفافي
.............................................
7:أبجي وأهل العين واللــــــــطم شفتات
مره أعله ساهي العين ومره على المات
...............................................
8:هذي الأجتنه منين يمكنهه زهره
ضوت سواد الليل سوتهه كمــــــره
.............................................
9:ليش أمن أذكرج ليش ماأشتهي النوم
هم حلوه مثلي يصير كل ليـــــلج هموم
,,,,,,,,,,,,,,,,,,,,,,,,,,,,,,,,,,,,,,,,,,,,,,,,

10.شمس وكمر صوبين ياعمي خده
يذبح بخزر العـــــين أشـــــتعل جده
.......................................
11.أول عشــــك وياك ماظنــــي أنســه
درس اصبحت يهـــواي يوميه أدرسه
............................................
12.حبك يبعد الروح أصـــــبح جهنــــــم
ماظن عضو بعضاي من عنده يسلم
...........................................
13.بحجـة الحران ولفــي أشــــمر الشال
شعرج حرم عألغيـــربس عألولف حال
..............................................
14.ياهم تشيله الروح حبابه دحجي
بس أنندس والله صدكيني أبجي
..............................................
15.لاقطره لادكتـــور بطلت ماروح
فوك العمه ياناس ماخذلي الروح
..............................................
16.ماهمني كل صواب منه وصحت اخ
لاكنه مـن فراك ولــفي العــــــقل داخ
..................................

17.تدري أشكثر أهواك يابعد العيون
أبكد السمه والكــــــــاع وما يكفون
..................................................

18.أمن أسمك كتبت أشعار وهالصرت مجنون
كلنه بسيــــــــــطه تهـــون لو شفتك شلــــــون ؟
.................................................. ...

19.كلك حلو يهــــــــــــــــــــواي والاحلى مرك
شادهني ليـــــــــــل نهاـــر مـن فلـــك طـــــرك
.................................................. .

20.للخوه أمشي بليل وأكطع محيطات
أنشد على العدلين والطم على المـــات
..................................................

21.مية سنه وسنتين مامرن بمـاي
أتمتع الخرنوب وأصبر على الــــــــداي
.................................................

22.سلم سلام بصوت حيل أرفع أيدك
أمشي عكس للشيــــــب وي اليجيدك

................................................

محبتي كتلونيـــة

دراميات رائعة لبي عاشت ايدج

منورة لبي

» لعيون العراق