صدك تقبل تحب غيري؟؟؟؟؟؟؟؟ حلوى كولش

صدك تقبل حبيبي لغيري هسة تصير؟؟

وصدك مليت مني وبعد متحبني؟؟

وصدك هانت عليك اسنينه الحلوات

وما هانت عليك شلون تتركني؟؟

من يمته المذاهب نحسبلها حساب؟؟

ومن يمته الطوائف جانت تهمني؟؟

أنه لمن عشكتك ما سألت الناس

ولا جنت ادري اصلك شيعي لو سني

شجاك تغيرت وبكلبك انته شصار؟؟

جنت تموت بية وجنت تحبني

وجنت اتنفسك وانته الهوه بدنياي

وجنت لو تبتعد لحظات .. تخنكني

معقولة الورد ينكر جميل الماي؟؟

وانته بهالسهولة تنازلت عني؟؟

ما أنكر مقصر إجت فترة وياك

لكن مو بدية الوكت يجبرني

شفت يمك نفط وابين اديك الماي

وأنه بناري اشتعل ردتك تخلصني

لكيتك بالعكس مايَك شمرته ابعيد

وجبت النفط بيدك حته تحركني

شسولفلك بعد؟ طعم السوالف راح

ردت منك توافي وخيبت ظني

أدري الوكت هو الخله كلبك هيج

وادري الطائفية الباكتك مني

وقبل لا تبتعد عندي سؤال ارجوك

فكر وية روحك عود جاوبني :

باجر لو متت وتشوفني بتابوت

هم تبجي علية وبعد تذكرني؟؟؟؟؟

من اجمل قصائد الي شفتها عجبتني هوايا واتمنى تعجبكم تحياتي وكوح

كلش حلوة وكوح عاشت ايدك للنقل الحلو
تــ(ح)ـياتي

الله الله الله فضيعععة

يسلمووو وكوووح

نورتو الموضوع بمروركم

كلمات روعة واحساس جميل عاشت ايدك يا مبدع عالموضوع الرائع

قصيدة حلوة كلش عاشت ايدك وردة وكوح

شكرا وكوح كلام رائع عاشت الايادي

منورين بمروركم الحلو