عركه بين الطماطه ووحش الطاوه

فديوم صارت عركه بين الطماطه والبيتنجان وحش الطاوه
سبب العركه الطماطه تفيك زايد وكالت للبيتجان امشي لك لوما شكلك اسود
تكول عبالك نفط اسود لك والله لوما يكولون خطية الا انهيك من السوك
البيتنجان: لج دولي عابتلج هالشكل حمره وبسرعه تذبلين جنج نانسي عجرم
لج كضيتي عمرج كله غاليه بالسوك ويجيبوج من سوريا بالبرادات
لج انتي مو عراقية اصيله
لج اني وكفت ويا العراقيين بايام المحن وسموني وحش الطاووووه
الصبح يتريكون بيتنجان والظهر والعشا
ونوبات العصر
مره شوي
مرة بالدهن
مره تبسي
محشي
لج اني عراقي اصيل وجنت انباع كل عشره بربع
ومن ياكلوني واحدهم يشتعل وتجيه حاله نفسيه
يكرة اليوم اللي انولد بيه
سنين الحصار كلها العراقيين بس ياكلون بيتنجان
وهسه تاليها تفيكين عليه
الطماطه : لك من عابتلك هالشكل
لك انت شايف نفسك بالمراية
جنك توم وجيري
لك اني بكل وقت موجوده
لك حتى البنيه لمن يريدون يتحارشون بيها يكلولها
هلو شلون الطماطه
تخبل
يمه فدوه للطماطه
وانته سمعت فديوم يكلون لبنيه هلو بيتنجان
مصخم
البيتنجان : الدنيا حظوظ وحتى نحل المشكله راح نسأل اعضاء عطر المحبة ايهما احسن الطاطه ام البيتنجان

هههههههههههه بالنسبة الي ولا واحد مو زين بس يلا اختار البيتنجان لان اكثر ينجرع من الطماطة
عاشت ايدج لبووو عالموضوع المميز والراقي
تحياتي
فراشة المحبة

منورة الموضوع لبي بردج الحلوووو

ههههههههههههههههههههه

اني اختار طمامة اطيب من تحمصي الله

شكرا لبي موضوع رائع

منورة لبي