ابوذيات مستحيلة

خناجر لاتحد بيــه وناسف

وغلطة مابدت مني وانا أسف

أصير حزام تي ان تي وناسف

أفجر الكون بس تزعل علية

ردت طيفك يلوح بيوم مالح

طعم فركاك صار هواي مالح

بعد مادزلك رسالة وابد مالح

لان مافد يوم انتة ادز الية

احبك من زمن جدك وجدي..

وحب كلبي الك ثابت وجدي

اريد اوكف انه ابابك واجدي..

بلكن ينكسر كلبك عليه

التطلبه مني يصير بالفور

طفيلي وادري بيك تموت بالفور

يهودي ومن تواعد وعد بلفور

توصل للصدك تكلب عليه

وحكـ الالف ثم اللام واللام

ووحكـ الهاء عمري انثر واللام

صرت بعدك يبوية انقهر واللام

وصفت دنياي بس هم واذيه

فك الصدر شوف احزان بي كم

ولا واحد نشدني الجيب بي كم

مو شايل كلب يكول بيكم

كل ساعة عشرة يحب سوية

تحياتي وكوح

صدك مستحيلة عاشت ايدك لبي
تحياتي

مشكور وردة عالموضوع عاشت ايدك

الك بلكلب شارع وانته ركنه واخذت الكلب بيدك وان تركنه اذا بطلنه منكم وان تركنه اذن ذاك الوكت جتني المنيه اشكرك على هاذي الابو ذيات الجميله