ليديز ...اند جنتل مان
ويلكم كيلز.... ويلكم كاايز
اليوم انتبهت على سالفة دة تتكرر عند الشباب (الولد والبنات)وهي القنوات الي يتفرجوهة اغلبهم متشابهة
فكلت لازم اكلكم حتى تكونون على علم لان ميصير انتوا كاعضاء متعرفون شي
نجي بالبداية القنوات الي يتفرجوهة البنات
القنوات الي يتفرجوهة البنات
اولن:قناة المستقبل :لان بيهة ساعة تسعة الصبح عالم الصباح وبيهة كارمن ام الابراج وهل الكلاوات
ثانين:قناة مسايا:هاية بيهة كل تفاصيل الاعراس والبدلات والكيك وكل سوالف العرس(الزفة)
ثالثن:MBC4 وبالاخص ساعة عشرة باليل لان شي اكيد ميكدرون اذا ميشوفون مسلسل نور (همة لو مسمي مسلسل مهند مو جان احسن)
رابعن:اغلب قنوات الاغاني من ميلودي وجر ايدك بس ماعدا تيونس لان بيهة كلهة اغاني اجنبية وهاية صعبة عليم شوية هع
خامسن:ابو ظبي وLBC :لان بيهة المدبلاجات الي لا تخلص ولا تنتهي....
هاية بالنسبة للبنات
نجي للولد
القنوات الي يتفرجوهة الولد
اولن:MBC 2 و mbcACTION وشوية من MBC 4 لان بيهة برامج حلوة
ثانين:GEAR one لان بيهة احدث السيارات وفيكات الشباب .....ها اتذكرت اكو على LBC هم برنامج مال السيارات هم خوش بس اني ما اتفرجة هههه
ثالثن: الجزيرة الوثائقية :لان بيهة برامج اتشك شك وبرامج علمية كولش حلوة لان تعرفون الشباب يحبون يثقفون نفسهم هع 
رابعن: قناة الحرة : لان بيهة i tech كل انواع الموبايلات الطاكة والكومبيوترات الاخر طكة..
خامسن:ميلودي TUNSE لان بيهة جم اغنية حلوة والباقي مو كولش 
هذا فد موجز سريع على اكثر القنوات الي اتكررت عند الشباب المطلوب هسة
ارائكم .....
واذا اكو قناة نسيتهة ......
تحياتي الكم
وانشالله يعجبكم الموضوع
موضوع: القنوات الي يتفرجوهة البنات والقنوات الي يتفرجوهة الولد 
السبت يوليو 26, 2008 4:06 am
