الحلم اصبح حقيقة
يمكنكم متابعة مسلسل
((دهـــــــــ&&ــــــــــن بريـــــــــــــــ&&ــــــــك))
حصريا على منتدى عطر المحبة
حقوق النشر محفوظة لشركة حشاشة للانتاج والتوزيع الفني
الحلقة الاولى
شاكر ابو قريد لازم طريق ام عنيج ويسلب الزوار الرايحين لكربلاء
شاكر : هوووووووووب ولك... هذا شماله ما يكف؟؟ خايب اكف اكف
ططا ططا ططا
سايق الريم: يمعود انا بشاربك كلها هنا عوائل وزوار لاتكتلني
بروح ابوك بركبتي عايلة معيشها من هالريم
شاكر: خايبين دنزلوا كلكم اليوم اخلي طشاركم مالة والي
ولك محسن روح لم التلفونات والفلوس
وصل محسن لنص الريم وصاح
ولك اخوي ابو قريد انعلسنا ذول استخبارات الشرطة مسويلنا كمين بالريم
شردوا الاخوين شاكر ومحسن
شاكر: ولك محسن اخوي اخوي خو مانسيت الغراض
محسن: وسفة عليك ابو قريد الشمتة كلها محملة تحمل وجايبها وياي.. اخوك انا ما اطلع خسران
شاكر: يلله لا تبيعهن براسي خلي نفلت لا ننكتل كتلة جلب بالجامع
ركضوا لحد ما وصلوا لام البروم يناهتون وحالتهم حالة
محسن(بالقميص الابيض): بوية متنا من التعب بس سمي بالرحمن كبل لا تفتح الشمتة.. بيها الخير كله.. وروح امي الا اتزوج ام قتيبة المقيمة
شاكر(ابو القاط): خايب انت شجايب؟؟ كيبل؟؟ امداك يالمصخم
محسن: يبوووووووي لا والقسمة المصخمة.. راحت مني ام قتيبة.. امدا حظي
وهناك جان اجوا الشرطة
وييييييييييييييييييييو ويييييييييييييييييييو
ارمي سلاحك سلم نفسك المكان محاصر
شاكر: بوية انوخذنا غفل ..تعالوا اخذوني ماريد هالدنيا المصخمة.. الله شمنطيني من اخو عايف الغراض وبايك واير السحب مال الريم
محسن: ها كظوك يالفليح؟ عود انا فرحان بيك اكول هذا الاخو الينشد بيه الظهر..
شاكر: انكسر ظهرك كول امين.. شوفني شحلاتي لابس القاط مال العيد وطالع اسلب وياك.. هسة انا شجابني عالتسليب.. لو باقي خلفة مو ابركلي من هالكعدة وياك
باوعلهم الضابط (زندوق) وصاح بيهم
والله اللي اسمع حسه كون اعلكه بالبنكة
شاكر: ايييي صلاوات اكو بنكة؟ جا خوش
زندوق: تريد تصير لوتي مو؟؟ والله الا اشمرك شمرة الجلاب بابو غريب عود صير لوتي هناك
طلع زندوق راح يحجي وية ملازم اول عبد فلك
زندوق: ملازم اول عبد فلك اريدكتعذبهم تعذيب.. ما اريدهم بزنزانة وحدة .. طشرهم
عبد فلك: صار سيدي من اليوم ورايح اعتبرهم انتهوا.. الا اطلع التسليب من خشومهم
سيدي ولا يهمك خوش ضاملهم ضميمة
محسن راح اشمره بالانفرادي
زندوق: ابو قريد شراح تسوي بيه؟
عبد فلك: هذا الزغير خطية.. راح اشمره وية واحد جديد اسمه (شكري)
زندوق: بس ما اوصيك ملازم اول عبد فلك.. دير بالك عليهم بالسجن
عبد فلك: هعهع مو تأمرني امر
صار ثاني يوم...
اجى ابو قريد يتمشى بالسجن يريد يفوت للزنزانة جان صاحله واحد
ها يا حلو.... تعال اشرب جاي يمنا
ابو قريد: وشنو هالميانة.. منو انت؟
السجين: ولك احجي عدل.. انا شلتاغ هنا الشقي مال السجن
ابو قريد يحجي بينه وبين نفسه: بالله هذا حظي؟ اول ما ردت اصير سبع اندكيت بالشقي؟
شلتاغ: اليوم ما فارغلك... عندي شغل ..باجر ادكك دك الزمال.. اشطح منا صخلة
ابو قريد بينه وبين نفسه: هسة انا شخسران؟ اشو هو اليوم ملتهي وما فارغلي.. وباجر ينعنعني .. خلي اتولاه مسبة وغلط بلكي يخاف مني
ابو قريد: اكول انت ابو السلمبح.. بشنو ملتهي اليوم؟ خاف مخلين غسل المواعين عليك؟ لو يجوز الحضاين مال الجهال؟
شلتاغ: يا الله شني هاليوم المايريد يخلص.. ولك جر منا صخلة الفاو
ابو قريد: ولك انا ابو قريد المدكدك.. اخوي محسن هم هنا.. وروح امي نطشرك لا تصير براسي سبع
شلتاغ: ولك مو رحمت بحالك.. احسن اخليك تنظف الكاشي مال السجن..بلسانك!!
ابو قريد: بوية لا تزعل شبيك ما تتحمل شقى.. من رخصتك اروح للزنزانة الجماعة ينتظرون
شلتاغ: لا يبة وين رايح.. تجي وياي للاجتماع
ابو قريد: لا خالي يا اجتماع... اريد اروح للزنزانة اشوف شكري خاف يريد شي
شلتاغ: لا انت مبين عليك سبع.. اريدك وياي
ابو قريد: وين نروح؟؟
شلتاغ: نروح نجتمع وية رئيس المافيا.. اسمه (ابو فوزي)
ابو قريد: لا ياخوي.. كله الا هالزلمة.. ولك ايده والموس.. لاااااااااااااااا
شلتاغ: جا وينك؟ صاير براسي سبع؟جاي تفيك عالعالم؟ والله تجي وياي جا شمالني؟ مدمغ اكلها وحدي
طااااااان طن طووون
انتهت الحلقة الاولى
في الحلقة القادمة....
ابو فوزي: اكول اذا تريد تمشي الكارتات مال شلتاغ لازم ينطيني ضريبة الف دينار على كل كارت رصيد ابو العشرة
ابو قريد: جا هيجي ما نكدر نبيع.. شلون بوية
*********************************
شكري: بوية ابو قريد خلينا اليوم نسخت ما نكنس.. حارة الدنيا والشرجي لابو موزة
ابو قريد: جا نصير فلم وعلي.. ومنو ينطينا يومية اذا ما اشتغلنا؟
****************************************
ابو قريد: حييييييييل شلون حاتة؟ شجابها لابو غريب؟
شكري: اللهم اني صائم
جوقي العبد: خايبين وينها؟؟ جا هم يحجون؟
********************************
ابو فوزي: اسمع زين شلتاغ.. كارت الرصيد ماينباع الا يطب بجيبي الف دينار.. لا تفوت هالحربة بركبتك
شلتاغ: جا عمي هيج مانبيع.. منو يشتري الكارت ب15 الف؟؟ خوية لاتكطع رزقي
********************************************
زندوق: انا اكول ياخوي نعوف عبد فلك يبهذلهم.. شلنا بهالسالفة خاف يوصل خبر لاهلهم انوب جيب الفصل وودي العطوة.. ترى مالنا خلك طلايب رحمة لابوك
مطيحان: من يجيك امر لازم تنفذه.. ولا تخاف محد يندك بينا.. عدنا جماعة بالاحزاب يبهذلون عشيرتهم
تـــــ(ح)ـــياتي
موضوع: دهـــن بــريــك (المسلسل الاجنبي) 
الثلاثاء يناير 06, 2009 7:35 pm
