تعالو كيفو يا بنات و شوفو يوميات شباب الجامعة ههههههه

****
اليوم حبيت افرح البنوتات على سوالف الشباب بالجامعة ........

شوفوا يمومياته من طق طق للسلام عليكم ......

\
/
\

اول شي طبعا كالمعتاد امة تصيح عليه بيها 32 مرة وتصيح وتستريح حتى يكعد المسعد من النوم ( والمشكلة ياريت يسمع ) مرة مرتين كَولوا يكعد بعد ما بلعوم امة انشحط ابوه ابوه
راح على اساس دا يغسل وجه ( طبعا اي صابونة يلكاها على المغسلة يغسل بيها وجها ان شاء الله صابونة اماعين ماعندة اي مشكلة )
اجه دا يريد يلبس ( تلكة على كل قميص مكتوب عليه يوم معين .. القميص الابيض ليوم الاحد والسمائي ليوم الثنين والبنطرون الجوزي ليوم الثلاثاء .. مو هو مايريد يكرر القطعة الوحدة اكثر من مرة بالاسبوع اي شعبالكم )

على العموم وبعد عناء طويل شاف المعدل شحيلبس ورساله على بر واخيرا
طبعا الجينز خطية تكول جينز حماميل البلدية مسحوت ابو ابو حتى جينز البنة هماتين ميصير هيج

لا والطكَع على ساعة يوكع من - الخصر النحيل -
القميص لا تجيب طاريه راح ينفتك من الجتف من كد الضيك ........ !!

وصلنة الى اتعس نقطة الا وهي نقطة الشعر .......
راح للمطبخ شكو زيت بالطاوة اخذه ويوميا يصير بفيتان معين ( يوم بزيت السمك ويوم بفيتامين الباذنجان الاسود )
يلزم المشط وشعرة شعرة يدهنها ويصفط وحدة يم اللوخ ( على ان لا تبعد كل شعرة عن الاخرى بما لا يزيد عن 2 سم )

وبعد ما صار الراس عبارة عن معمل( زيت الصافي ) وازاد وزن الجسم 2,5 كيلو غرام
وصلنا لمرحلة الحذاء طبعا الجواريب لو الماما تغسلها لو تلكه 67 زوج مشمور جوا الفراش
( مستحيل يغسل جواريبة الاخ ومستعد يشتري 5 ازواج كل اسبوع بس ميفسلها ) ****

كولوا طلع برا اجرلها كية المسكين وانجبس بين 13 نفر وخايف على شعرة من هوا الشباك اخاف يطير ( وبالاصل انت لو تجيب هليكوبتر يهفي على راسه ما تطير منه شعرة من ورى الدهن )

دخل للجامعة يحس نفسة توم كروز العراق ......... اول الصبح ما يقلد ويسلم من ورى خشمة وما عاجبة العجب

يروح بكل تاني للكافتريا ويطلب استكانة جاي ويطلع الجكاير ويكعد يتصرف كانه كزنوفا بالرومانسية والرقة .... ( استكانة الجاي بالبيت تخلص ورى نص دقيقة بس بالكافتريا تخلص ورى 20 دقيقة !! )

المحاضرة الاولى مو مهمة بالنسبة اله واذا فاتته موجودة ( فتحية تنطي محاضراتها للاستنساخ)

اجوي البنات من المحاضرة دخلوا االكافتريا (تلكاه يعدل الكعدة ويستعد كانه حيبدي يصور فيلم ينعرض قريبا في سينمات هوليوود )
يخلص باكيت الجكاير وتخلص قواري الجاي وهو كاعد مسوي نفسه الهائم العاشق الحزين ذو القلب المنكسر ( ختية ترى )

العين عبارة عن رادار لاقط يفتر من 4 جهات 24 \24 ساعة في الكعدة

كامت وحدة حلوة وطلعت من الكافتريا المسعدة الاخ صاحبنة قرر واخيرا يشلع نفسة من الكرسي وصار يمشي وراها ( مو هو البدي كارد مالتها ) منا منا وصل الها

- صباح الخير فتحية ( والابتسامة الخلابة لا تفارق وجهه الفاهي )
هلو شلونك
- شخبارج ويا الدراسة ( هذا السؤال يتكرر كل يوم الصبح يعني بحيث بالاخيرقرر يخزنة بالموبايل تجنبا للتكرار )
اني زينة انت شلونك - طبعا المسكينة مستحية -
- اني بس ردت اطلب منج دفتر البرمجة لان اليوم مكدرت احضر المحاضرة الاولى تعرفين بس اني عندي سيارة واصدقائي يردون يصعدون ويايا اوصلهم( بدت القنابل )
اي عادي تفضل
- شكرا اني استنسخه وارجعه الج شوكت اشوفج ( هي اربعة وعشرين ساعة موجودة لو بالاكافتريا لو بالقاعة )
اني تلكاني بالكافتريا
- ماشي شكر
العفو

( طبعا لا يستنسخ ولا شي جذب والدليل لما تجي الامتحانات تلكاه يكل لبو الاستنساخ من البداية لحد النهاية !!! )
كولوا رجع الدفتر لفتحية بعد كلام طويل وعريض يرادله موضوع على حده حتى اكلكم شنو كال وشكلتله

يوصل للبيت يلبس البجامة ويركض جنه كلوله ترى المنطقة بيها وباء وركض على اقرب ساحة لعب طوبة ومتلكاه الا ساع 12 يدخل للبيت كبل لنوم لا دراسة ولا هم يحزنون
وعاشو عيشة سعيدة

*** حالات غريبة عجيبة للشباب ***

1- يلزم الموبايل بالساعات بالجامعة ( والمقصود ان ترى اني ما يهمني الرصيد او ترى صاحبتي كتلت نفسها عليه ) وبالحقيقة هو مدا يخابر وعلى ساعة اصاحبة يرمشله ويفضحة

2- مخالفة الزي لمدة 5 ايام في الاسبوع والعبرة مجهولة

3- تتمنى تشوف بيده كتاب - ملزمة او دفتر جاي سفري الاخ

4- الاستاذان من الاستاذ في القاعة لغرض تدخين جكارة ( لو يشربها للجكارة بهالدقيقة لو تطلع روحة )

/
\
/
هههههههههههههههههههههههه
تحياتي لكم يا حلوين
القوشية

ههههههههههههههههههههههه
ههههههههههههههههههههههههههه
ههههههههههههههههههههههههههههههه

شكررا لبي موضوع روعة

ههههههههههههههههههههه حلوة عاتش ايدج لبي
تــ(ح)ــياتي

منووووووووووووووووووورين الصفحة لباااااتي

ههههههههههههههههههههههههه
حلوة منك القوشية

موضوع روعة
تحياتي
ashur amma

منوووووووووووووووووورة وردة اشور

» شباب بنات شوفو هل فكرة ويارب تعجبكم
» شباب & بنات تعالو الحكو برنامج (ميااااااو اكادمي)
» تعالو يا بنات شوفو شنو يصير ابحالكم اذا الولد اعلنو الاضراب عن الزواج
» شوفو ياشباب الجذب والكلاوات مال بنات
» يا بنات شوفو الشباب من اينعسون شيسوون