ليش الدنيا حاره بالعراق

ليش الدنية حارة بالعراق؟؟؟
يجوز لان احنة عايشين بالعراق
.
.
يجوز حتة التمر يستوي بساع و مثل ما يكول ابوية التمر علاج لكل شيئ هوة يكول هيج لان كلشي ماكو غير التمر
.
.
يجوز قبل من جانوا ديوزعون الاماكن عل قبائل لان من جانوا يلعبون قمار جانوا يتراهنون عل اراضي ف حمورابي فاز علة توت عنخ امون واختار هاي القطعة من الارض مع انه الكل مجانوا يريدوهة هسة تسالون ليش اخذهة؟؟؟ لان العراق حارس البوابة الشرقية للامة العربية و يقع في الجزء الجنوب غربي من قارة اسيا و في الجزء المجاور لاوربا من ناحية اسيا و في الجزء المجاور لافريقيا من ناحية مصر
علمود هاي انفرض علية انه يدافع عن الامة العربية و الاوريبية و الاسيوية و الافريقية و هذة الشي الي جان يريدة حمورابي
.
.
يجوز لان الشمس صاير فوك العراق بالضبط لان كل ما اصعد للسطح هية فوكاية بس بغير دول الشمس مرات تعوفهم و تروح تتغدة

.
.
يجوز لان ماكو كهرباء هسة تكولون هاي شلهة علاقة اني اكللكم مرات موجودة الكهرباء بس اني يطردوني و يكلولي نام بالسطح احسنلك ما شاء الله اني شسوي اصعد فوك انام اشو من تنطفي الكهرباء جوة فوك هم تصير حارة شلون ما اعرف؟؟؟
.
.
يجوز حتة يستوي الاكل بساع لان العراقيين ما يستحملون ينتظرون هواي هسة مثلا بالشتة اني اضل ساعتين كاعد دا اباوع عل قوري كل هاي علمود كلاص جاي واحد فقط لا غير و اخير شي اطلع حاط ملح بالكلاص مو شكر هاي دائما تصير و اكو مرات احط شكر بمكان الجاي بالقوري المهم هاي شغلة غبائي منتهين منهة بينما هسة شكد حلو راسن اخذ مي من البوري و اشرب جاي ماكو حاجة احطة عالنار
.
.
يجوز حتة العراقيين يبدعون مثل ما تعرفون العراقي ميبدع الة بالظروف الصعبة (هكذا يلعب المحاصرون هكذا بالعناد يغلبون) و لازم درجة حرارة 300 ميكا و ماكو كهرباء
.
.
يجوز حتة طلاب الدور الثاني ينسمطون سمط بالصيف

» شباب بنات يلا اريد تهنئه حاره لاخونا الاقوشي
» ليت الدنيا مثل امي .....ازعلها و تراضيني
» عجائب الدنيا السبع في نظر طفله
» عجائب الدنيا السبعة القديمة
» دع الدنيا تبكي من جبروت ابتسامتك