مسابقة اجمل طفل

هااي شباب وبنات
جبتلكم اليوم موضوع حلووو مثل الحلاووة
بمنتدى من المنتديات سوو مسابقة اجمل طفل وتعالو شوفو اشصاار

طبعا الام وخاصتنا العراقيه امسحها بالكاع واكسر خشمها وفجها ولا تكلها ابنج مو حلو
يعني ابنها خشمها بطول امه ومن تشوفه انت لازم تكول الله شنو هذا الخشم مصقوله لو
منكار عصفور اصغير يمه فدوه يخبل يجنن طالع على امه حلوه اتخبل جنها جكليته وصخونه
اي والله صخونه


سوينه مسابقه بالمنتدى مال اجمل طفل لو كفرنه بالدنمارك والنمسا انكلبت الدنيا الامهات
بالمنتدى شدن العبايات ودكن رجل كل وحده تريد ابنها يفوز بمسابقة اجمل صرصور العفو
اجمل طفل

عندك عضوه دخلت ابنها اقامه بالحمام ودك اتليف بيه وشامبو من الاصلي وصابون دوف
حتى وراها يطلع حلو واطكله صوره وتحطها بالمسابقه


عندك وحده خطيه تبجي ما اعرف انزل صوره علموني شبيكم وتالي اتعاركت وي زوجها
اليوم لو اطلكني لو اتعلمني انزل صوره لابني الا احرك هاي العضوه ام افلان عبالها ابنها
حلو خلي تولي ابنها اذا طلع بالشارع يصير حظر تجول


عندك وحده خو هاي راحت للكاظم تطلب امراد خو جلبت بالشباج تطلب امراد بلكت
ابني يفوز بمسابقة اجمل طفل بمنتدى العراق دخيلك اني ابني حلو بس خشمه شويه مكروض


لا وشنو تعالوا ياعضاء رشحوا اجمل طفل اذا نرشح فلانه الفلانه الثانيه اطنكر وتكعد
تلطم يعني خلونه نكتب اكلاوات اي كلهم يخبل شنو هاي البراءه هذوله من ادم وحواء
لو من الملائكه شنو هذوله جمال وطبع جمال الها معاني اثنين الاول هو سفينة الصحراء
والمعنى الثاني هو البهلة بيك

اذكر ام سعدون وام هاشم وام فاظل هم مسجلات بمنتدى عراقي اسمه عراق الشقاق
والنفاق هم الادمن هناك سوه مسابقه اجمل زوج للمزوجات عاد المزوجات ماقبلن
لانه ازواجهم مابيهم شوفه ولارصعه مثل رصعة حمودي ولا شامه مثل شامة محب ال البيت
ولا عدهم قاط اسود مثل قاط حيدر الصامت العراقي عاد الادمن غيرها اجمل طفل

ام سعدون ابنها اطول من النخله بس عقله عقل البرلماني العراقي وام فاظل ابنها
منغولي وام هاشم ابنها مو شرعي اقصد شكله مو شرعي مو حلو وصارت المسابقه
وخلو تصويت ام سعدون سجلت بالف اسم بالمنتدى علمود التصويت وام فاظل وام هاشم
يعني صار عدداعضاء المنتدى عشر ملاين مشترك جديد علمود التصويت مال اجمل طفل


هسه الا اجمل طفل خلي
نسوي مسابقة اجمل رقم موبايل كل وحده تخلي رقم الجوال مالتها ونسوي تصويت
لووو
مسابقة اجمل غمزه كل وحده اطك صوره وهي تغمز ونسوي تصويت على الغمازات الحلوات ههههه

كتلوووووونية