(الى كل عراااااااااااااااااااقي عندة حس وطني)

الى كل عراقي عنده حس وطني
بعد بينه طراوه وخضره هالروح
وبعد بينه دمع يجرح بلعيون
**
صح صعبه السنين أوصعبه الأيام
بس كلشي ابمحبتك صدّكَ ايهون
**
ما نلكَله حبيب ايداوي الجروح
ولا جفّك مثل جف اليداوون
**
اتحملنه وكتنه أو صرنه ناطور
نحرسك بلسهر عن لا يبوكَون
**
وصدكَ باكَوك لمن غمضت العين
لجن وسفه التحرسك نامت اشلون
**
خذوك ابزودهم والتمو أعليك
وكَامو من لحم جتفك ينهشون
**
تصيح الله واكبر .. صاحو وياك
بسم الله وعلى نحرك يهومون
**
بسجاجين الطمع بين الزراديم
كَامو بيك كل ساعه يحدّون
**
نواهلة بيكك بجت والنهر عطشان
على حالك دمه ضلو ينوحون
**
وطفالك يتامى ابغيرك اليوم
من ادموعهم كَامو يرضعون
**
كِيعانك غدت تترجى للغيث
بس الغيث شح ويه اليشحّون
**
كل دمعه تسيل اتروي الخدود
تنشف كَبل لا تنبع بلجفون
**
شبابك ضيعوه أو مثلوا بيه
ويشيب أمن الحزن ما بين السجون
**
بينه الهجر شخصك وارتحل شال
وبينه البلغرب وي دهره مرهون
**
وبينه هنا اويلي اشلون يا حال
بكل شارع مدينه اهنا يموتون
**
ششكيلك بعد من ضيم الأيام
الصوره اتوضحت للي يفهمون
**
بغدادك تنوح وذبلت العين
وذيج البصره صاحت لا تنامون
**
وذي قارك تهلهل حيهم اهنا
تفرع الراس وتحزم اليفزعون
**
أعماره وقادسيه وياهن الكوت
هبّن هبّه وحده وهزّن الكون
**
ومناك الرمادي اتشد بلحزام
وجوامعه تنادي الكل يكَومون
**
وشوف ديالى لمن هزت الويد
وسفحها وي الجبال ايصير طاعون
**
وتشهد كل نجفنا ويشهد البيت
وأميرك علي شاهد عل يشهدون
**
وأخذ من كربله من طفها تربان
شم ريحة زلمها البلكرب عون
**
ومن واحة حسين اسمع تغاريد
ومن جف الجفيل الليله يروون
**
كَوم انهض بعد شيفيدك النوم
وصير الطود وابلع يلا فرعون
**
اناشد كل عراقي او هذا موال
سطرته عليكم وانتوا تدرون
**
لجن حب العراق ابين القلوب
ما اريدن الحبه اليوم تنسون
__________________

شكرا لبي على هذا الموضوع الرائع والكلمات الاروع

شكرا على ردج الحلو عيوني

شكرا على الموضوع الاكثر من روعة

شكرا على ردج الحلو يا حلوة

موضوع روعة تحياتي اخوج الالقوشي

يسلمووو وردة على موضوع الرائع

تحياتي مدريدية

عـاشــت الايـــادي

شكرأ على الكلمات الحوة لبي

thanx for ur entry all

تسلم يا وردة على الكلمات الحلوة

شكراااااااااااااااا لردودكم cheers

شكرا عاموضوع الحلو

شششششششششششششششششششششششششششششكرا

زائر

عاشت الايادي يا مبدعة

نوووووووووووووووورتو الموضوع بردودكم

» اهداء خاص الى كل المغتربي ابناء وطني الحبيب