قوانين الدردشة فوت للسيطرة قبل متفوت لدردشة

هلووو اعضاء عطر المحبة شلونكم انشاء الله زينين

شلون اولادكم او شلون احفادكم اكيد يبوسون ايدي

المهم يابة هليوم جبتلكم شوية قوانين ماخوذة من الدستور المصدق علية من قبل

عبود ابو الباجلة او حسن ابو اللبلبي

هاي القوانين بخصوص الدردشة

اولا: يمنع يمنع او يمنع منعنااا باتاتا او طماتاتا واحد ينطي ايميلة بلدردشة (عمي اكعد راحة ترا اصيح ابوية

)

تاسعنا: الكل سواسية ماكو فرق بين انلجلينا جولي او بين سعدية امل الخبز المراقب دورة بس يدير بالة على الدردشة ماكو فد شي يميزة عن البقية

عشرطعش:لازم تقره القوانين قبل ما تفوت للجات وتطبقها وتساعد المراقب على تطبيقها ولا تگول ما قريتها تره ازعل منك .

النقطة مئه: يابة ديربالك لمن تتشاقون مو تثكلوها زايدة بعدين تروح اتصير عشائر او تعلك بيناتكم خلوها الشقة بحدود لا تطلع عن حدها

النقطة الاعاشرة: بلنسبة للاعضاء ترحبون اب اي عضوو جديد متكلولة شعندك اهنا او ليش جاي(قابل انت كاعد اب بيت ابوك!!)

النقطة 200 بلوفة: عندك شكوة على احد عندك شي احد حاجي عليك ضاربك تعال اخذلك تكسي او دز رسالة للمدراء مو تصيرلي مظلوم عبالك جاي من افريقيا او تكول حجوا علية كدام العالم بلجات اووووكي

اخيرا وليس اخرا اعلمكم شغلة للي ميعرفون افضل ان لمن تريدون اطلعون مو تروحون تسدون الصفحة عبالك ممصدك دتطلع روح على كلمة خروج فوك على ايدك اليسرة او اظربها (قصدي دوس عليها) او انتظر انجيبلك كهوة تشربها علما تطلع

لان اذا طلعت راسنا من الصفحة راح يبقى اسمك موجود لفترة الى ان يطلع رسميا من الدردشة

زين يابة

او اخرا عندك اي مقترح عندك اي شكوة عندك سيارة للبيع راسلنة على هذا الايميلة لا تخاف مجانا مياخذ رصيد

الايميل قيد الانشاء دنخليلة رقم جان منفيس ههههههههه

اخررررر شي يابة لمن تكعدون بلدردشة الدين ممنوع ذاك اليوم استيفن صار براس ابو الكفتريا الي بلدردشة اوبرا او كام يوزع جايات على حسابة

بلاخير مدفع او كال بلدين

ترا الدين ممنوع والعتب بلشجرة او لا تنسى تنطي بخشيش للعامل عاااااااااا

او هاي هية يابة

تحياتي

سااااااااموووو

زائر

مشكور اخي سامو واني اول من قريت قوانيين وكلامك كله صح

بس هونالك اقتراحون: انخلي هذا مكان الي عنده اي شكوه او اي استفسار وانت تكون مجيب يا سامو ((منشتغل يمك احنا هع)) يعني اكو عضو حجه حجايه معجب المقابل يجي اهنا ومايخاف من احد ويكول افلان ابن افلان كال عليا هيج علان -- وسبب من هذا ياسمو علمود كلها تلزم لسانها لان اكو مكان يفضح المومومو

اتقبل مروري سامو وذا معجبك اقتراحي كول عادي -- شكرا على انيحاديه في قوانيين دردشة
جيفارا

اعذرني جيفارا هذا الشي مو ممكن كدام الناس مثل مكلنة اتصير عشاير

او اني مفتهم قصدك كلش زين بس هذا الشي صعب

الي عندة شي يكدر يدزلي رسالة خاصة او اني انشاء الله اجاوبة اب اسرع وقت

مشكور وردة سامو على الموظوع انشاء الله كلها تكون مطابقة تحياتى وردة

شكرا وردة سامو ان شاء الله راح انطبقهة
هههههههههه
اتقبل مرورى وردة

مشكور سامو عالقوانين وانشاءالله تتطبق

تحياتي
الفراشة العراقية

شكرا سامو على القوانين صحيح قريته متأخر بس جنت مموجوده بالمنتدى