محاورة بين حبيبين

الحبيب

مزدودة كــل الطرق صبات واســلاك
عبوة تحــط بلدرب صدكني اتعنــــاك

الحبيبة
عبــوة احطلك بلـدرب وازرعهة انـي
تدري شوكت تنفجر من كلبك ينسانـي

الحبيب

الكلب ماينســاك جيـف انــت دمـة
الجرح لو بـــي فاض ياهو اليلمـة

الحبيبة
الجرح لو بـي فاض اضمادة ادية
والجــرح لـــو ينشـــال انكلة بية

الحبيب
شتنكل جرح عاكول وتحطة يمـك
ربع العلي لو بيك يتلاشـة جدمـك

الحبيبة
فدوة تـروح اشلاي صدكنـي لجلك
لو انت سـل بلروح هــم مــا أمـلك

الحبيب
ادري تحبني هواي بس اني اكثـر
بلحلم شفتك طيف وخايــف لتعثـر

الحبيبة
بلحلم انت هـــواي خايف عليـة
اشحـــال لــو بلعين تلمس اديـة

الحبيب
لو شفتـــك انــة اليــــوم ثــــق مااعوفك
ساعة اصفن عله العين وساعة بوصوفك

الحبيبة

اشدعوة ساعـة هــواي تصفن علعيـون
من توصل الخدين .. والحاجب شلــون

الحبيب
بلوصف حــاير ليــش .. وصفــك يتعب
هذا انة حالــــي اعليك بلوصــف داحب

الحبيبة
عـــوف الوصــف يهـواي صدكني احبـك
مــــن كثـر ماانــــــــة اهواك مرات اسبك

الحبيب
سبني شتسب اهـــواي انــــي اريـــدك
اتمنة انــــــة دمـــــاك وعيش بوريـدك

اخر شي ملت الحبيبية وكلتلة
عله اهلي يمتة تمر وتخطبني فضهة
كل مـا تمر ايـــــــام ايــدي اعضـــهة

الحبيب
لاتعضعض ايــــدك ليش جايـلك اني
بزفتنة احنة الكــون .. يطرب اغاني

تحياتي وكـــــــــوح

يسلمو اخي على المكالمة الحلوة

تدللين اختي انتي

يسلمووووو وردة على الموضوع الحلو

تحياتي

مشكور وردة وكوح على الموظوع تحياتى وردة